வெற்றிகரமான மாவட்டச் செயற்குழு  !


மாவட்ட மாநாட்டிற்கு பிறகு பீளமேட்டில் இன்று (10-9-15) மாவட்டத் தலைவர் தோழர் ராபர்ட்ஸ் தலைமையில் கூடிய மாவட்டச் செயற்குழு வெற்றிகரமாக அமைந்தது.

        மாவட்ட முழுவதிலுமிருந்து கிளைச்செயலர்கள்,  மாவட்டச் சங்க நிர்வாகிகள் முன்னணித் தோழர்கள் பங்கேற்றனர். அனைத்து கிளைச் சங்க நிர்வாகிகளும் தங்கள் கருத்தை முன் வைத்தனர்.

  கீழ்க்கண்ட தீர்மானங்கள் ஏகமனதாக நிறைவேற்றப்பட்டன.

1. திருப்பூரில் சிறப்பாக மேளா நடத்தும் திருப்பூர் தோழர்களை செயற்குழு     மனதார பாராட்டுகிறது. இது போன்ற மேளாக்களை மற்ற கிளைகளும்
   நற்செயலை  பின்பற்றி நடத்திட 

 வழிகாட்டுகிறது.

2.மோடி அரசின் தொழிலாளர் விரோத நடவடிக்கைகளை கைவிடக்     கோரி  நடந்த செப்டம்பர் 2 வேலை நிறுத்த போராட்டத்தில் பங்கேற்ற அனைவருக்கும்  செயற்குழு தனது  பாராட்டுக்களையும் வாழ்த்துக்களையும் தெரிவித்தது.
3. செப்டம்பர் 16 தர்ணாவிற்கு ஊழியர்களை அதிகமான திரட்டுவது என்றும்

4.   கேபிள் பணி குறித்து நிர்வாகம் விரைவான முடிவெடுக்க வேண்டும் என்றும் அந்த பணியை மேற்கொள்ளும் ஒப்பந்த  ஊழியர்க்கு தல மட்ட அதிகாரிமுன் ஒப்புக்கொண்ட ஊதியம் வழங்கப்பட வேண்டும், PF ( பிராவிடெண்ட் நிதி) ESI நிதி முறையாக பிடித்தம் செய்கிறதா என்பதை நிர்வாகம் கண்காணிக்க வேண்டும் என்றும் நிர்வாகத்தை வலியுறுத்தி தீர்மானம் நிறைவேற்றப் பட்டது.

5. சிறப்பான ஏற்பாடுகள் செய்த பீளமேடு கிளையை பாராட்டுகிறோம். 

 வெற்றிகரமான மாவட்டச் செயற்குழு 
                     

அமைப்பு நிலை விவாதத்தை துவக்கி வைத்த மூத்த துணைத்தலைவர்
தோழர் D.R மருதாசலம் 

                                           

TAX  கிளைச் செயலர் தோழர் பாரதிமுத்து 

மாவட்ட துணைச்  செயலர் தோழர் V சுப்ரமணியன்

மாற்றல் பெற்று தந்தமைக்கு மாவட்ட சங்கத்திற்கு நன்கொடை  வழங்கும்
 தோழர் ராஜேந்திரன் JTO (Offg)

குறிச்சி கிளைச் செயலர் தோழர் சப்தகிரி 

பீளமேடு கிளைச் செயலர் தோழர் கருணாநிதி

மாவட்ட துணைத் தலைவர் தோழர் கோட்டியப்பன்  

                                 

மாவட்ட துணைத் தலைவர் தோழர் கருப்பையா

ஆர்.எஸ்.புரம் கிளைச் செயலர் தோழர் காமராஜ்

கோவைப்புதூர் குரூப்ஸ் கிளைத்தலைவர் தோழர்  திருநாவுக்கரசு

உடுமலை கிளைச் சங்க பொறுப்பாளர் தோழர் ஃப்ரான்ஸிஸ்

மெயின் எக்சேஞ்ச் வெளிப்புற கிளைச் செயலர் தோழர் பரமேஸ்வரன்

சூலூர் கிளைப் பொறுப்பாளர் தோழர் கண்ணைய குமார்

ராம்நகர் கிளைச் செயலர் தோழர் கிருஷ்ணமூர்த்தி 

மெயின் எக்சேஞ்ச் PGM அலுவலக கிளைச் செயலர்
 தோழியர் எல்.தனலட்சுமி

திருப்ப்பூர் கிளைப் பொறுப்பாளர் தோழர் அந்தோனி மரிய ப்ரகாஷ்
  

சோமனூர் கிளைச் செயலர் தோழர் மணிவாசகம்

சாய்பாபா காலனி கிளைச் செயலர் தோழர் பேரின்பராஜ்   

திருப்பூர் தோழர் கந்தசாமி 

ஆனைமலை கிளைத் தலைவர் தோழர் பழனியப்பன்

மாவட்ட துணைத் தலைவர் தோழர் சுந்தரராஜன் 

                                                               

விவாதத்தை முடித்து வைத்து உரையாற்றும் மாவட்டச் செயலர் 

                                   

                     திருப்பூர்   BSNL மேளா

மக்களை நோக்கி BSNL என்ற  அடிப்படையில் NFTE-BSNL, Anna union, FNTO  சங்கங்களும் இணைந்து நிர்வாகத்தின் உதவியோடு திருப்பூர் புதிய பஸ் நிலையம் முன் உள்ள  P P புதூர் தொலைபேசி நிலையம் முன் 10-9-15 முதல் மூன்று நாட்களுக்கு மேளாவை  சிறப்பாக ஏற்பாடு செய்து நடத்திவருகின்றனர்.

 திருப்பூர்  DGM  திரு. ராமசாமி அவர்கள் தலைமையில், திருப்பூர்  D,E.
திருமதி. வளர்மதி, மாவட்டச் செயலர் தோழர் L. சுப்பராயன் ஆகியோர்  முன்னிலையில் AGM (Sales)    திரு ராஜன் அவர்கள் இந்த மேளாவில் 
முதல் விற்பனையை துவக்கி வைத்தார்.   

தோழர்களின் எதிபார்ப்பையும் மிஞ்சும் வகையில்  ஒரே நாளில் 501 சிம்களும்  48 புதிய லேண்ட் லைன் இணைப்புகளும் விற்பனையானதோடு   7 மறு இணைப்புகளும் தரப்பட்டன. 
இதற்கான அயராது உழைத்த அனைத்து தோழர் தோழியர்களுக்கும்        நமது மனமார்ந்த பாராட்டுக்கள்.  

பெங்களூருவில் சொஸைட்டி கிளை துவக்க விழா !

    நமது கூட்டணி வாக்குறுதி அளித்தபடி பெங்களூருவில்  சொஸைட்டி
 கிளை  31-8-15  அன்று துவக்கப்பட்டது.

கிளை துவக்க விழாவிற்கு அனைத்து சங்க தலைவர்களும் அழைக்கப் பட்டனர். NFTE-BSNL   தலைவர்கள்,   சென்னை மாநிலச் செயலர் தோழர் 
C.K. மதிவாணன், சம்மேளனச் செயலர்கள்  தோழர்கள்  சேஷாத்திரி,  
S.S. கோபால கிருஷ்ணன், கர்னாடக மாநில சங்க தலைவர் கிருஷ்ண மோகன், கிருஷ்ணா  ரெட்டி,    FNTO சங்கத் தலைவர் தோழர் லிங்க மூர்த்தி,  SEWA BSNL அகில இந்திய தலைவர்  சகோ. P.N. பெருமாள்,    
TEPU சங்க சென்னை மாநிலச் செயலர் தோழர் விஜயகுமார் ,  BSNLEU சங்கத்தைச் சார்ந்த  முரளி,  கிருஷ்ணன் உள்ளீட்ட  அனைத்து  சங்கத் தலைவர்களும் பங்கேற்ற ஒற்றுமை நிகழ்ச்சியாக  அந்த விழா  அமைந்தது பாராட்டத் தக்கது.
   
 அவ்விழாவில் பேசிய வெற்றிக் கூட்டணியின்  தளகர்த்தர்களில் 
ஒருவரான தோழர் மதிவாணன், மோடி அரசின் உத்திரவின் காரணமாக சொஸைட்டி சாதாரண கடனுக்கான  வட்டியை  உயர்த்த வேண்டிய கட்டாயம் இருந்தாலும்,   உறுப்பினர்களின் நலன் கருதி, சொஸைட்டி இயக்குனர்கள் குழு,  வட்டியை குறைக்க நடவடிக்கை எடுக்க வேண்டும் என்று கேட்டுக் கொண்டார்.  மேலும் வெள்ளானூர் அடுக்கு மாடி குடியிருப்பு கட்டும் திட்டத்தை அமலாக்குவதில்  கூடுதல் வேகம் தேவை என்று வலியுறுத்தினார்.

நிறைவுரை ஆற்றிய கூட்டுறவு சங்கத் தலைவர் தோழர் எஸ்.வீரராகவன் அவர்கள் , தோழர் மதிவாணன் அவர்களின் இரண்டு கோரிக்கைகளையும்  அமலாக்கும் பணிகள்  ஏற்கனவே  துவங்கி விட்டது என்று பலத்த கரகோஷத்திற்கிடையே   அறிவித்தார்.



     

            சொஸைட்டி  வட்டிப்  பிரச்னையும் 
              BSNLEUவின்  கபட  நாடகமும் !!

சென்ற முறை,  சொஸைட்டி  BSNLEUவின்  முழுக் கட்டுப்பாட்டில் இருந்தபோது சாதாரண கடனுக்கான  வட்டி விகிதம் 16.5 சதம். 

அப்போது, வட்டியை குறைக்க வேண்டும் என்று நமது சங்க ஆதரவு   டைரக்டர்கள் மற்றும்  RGB உறுப்பினர்கள் வலியுறுத்தியபோது, 

" ஐயோ அது சாத்தியமில்லை ! வட்டியை குறைத்தால்  சொஸைட்டி திவாலாகிவிடும் ! " என்று  பேசியவர்தான் முன்னாள் இயக்குனர்
( BSNLEU) அன்புமணி. 
  
   சென்ற RGB  தேர்தலுக்கு பிறகு  காட்சிகள் மாறின. 

BSNLEU கூட்டணி சொஸைட்டி தேர்தலில் படுதோல்வி அடைந்தது.  
நமது  கூட்டணியின் வசம் சொஸைட்டி நிர்வாகம் வந்தது. ஒவ்வொரு சதமாக, இருமுறை வட்டி விகிதம் குறைக்கப்பட்டது. மொத்தத்தில் 
வட்டி விகிதம் 14.5 சதமாக ஆனது. உறுப்பினர்கள் பெருமகிழ்ச்சி அடைந்தனர்.

சென்ற ஆண்டு நரேந்திர மோடி மத்தியில் ஆட்சியைப்  பிடித்தார். நல்ல 
காலம் பிறக்கும் என்றும் வாக்குறுதி அளித்தார்.

ஆனால், நாட்டு  மக்களுக்கு மட்டுமல்லாது, நமது  சொசைட்டி உறுப்பினர்களுக்கும் நல்ல காலம் பிறப்பதற்கு பதிலாக கெட்ட காலம் பிறந்தது. 

          இதுநாள் வரை விவசாயிகளுக்கு வழங்கிய சலுகை வட்டியிலேயே வங்கிகள் நம்மை போன்ற ஊழியர்களின் கூட்டுறவு சங்கங்களுக்கும் கடன் வழங்கி வந்தது. அந்த முறையை அடியோடு மாற்றி, சலுகை வட்டி தரக் கூடாது என்று உத்திரவு பிறப்பித்தது மோடி அரசு. அதன் காரணமாக நமது கூட்டுறவு சங்கமும் ஏற்கனவே  வாங்கிய கடனுக்கு அதிக வட்டி தர வேண்டிய கட்டாயத்திற்கு ஆளானது. தவிர்க்க முடியாமல் உறுப்பினர்களுக்கு வழங்கிய கடனுக்கான  வட்டியை உயர்த்த வேண்டிய கட்டாயம் ஏற்பட்டது.    

   வெறும் வாயை மெல்பவனுக்கு  அவல் கிடைத்ததுபோல, தோல்வியில் துவண்டு போயிருந்த அன்புமணி கம்பெனி உயிர்த்தெழுந்தது.

   ஆகா ! வட்டி உயர்வு அநியாயம் !!   ஏற்க மாட்டோம் !!  என்று  நீட்டி முழக்கி தமிழக சொஸைட்டி உறுப்பினர்களிடம் மட்டுமல்லாது, உறுப்பினர் அல்லாதவர்களிடமும் தங்களது வழக்கமான கையெழுத்து இயக்கத்தை நடத்தினர்.

    நாட்டில் உள்ள எல்லா பிரச்னைகளுக்கும் மோடிதான் காரணம் என்று மேடை தோறும் பிரசங்கம் செய்பவர்கள்,  இந்த வட்டி உயர்வு பிரச்னையில் மட்டும் மோடி அரசின் மோசடித்தனத்தை தோலுரிக்காமல்,  அன்புமணி தலைமையில் தற்போதைய இயக்குனர் குழுவை சந்தித்து கையெழுத்து படிவத்தை கொடுத்துவிட்டு ஆர்ப்பாட்டம் என்று அறிவிப்பது ஏன் ?

வட்டி குறைப்பில் இவர்களுக்கு உண்மையிலேயே அக்கறை  இருக்குமானால் இவர்கள் ஆர்ப்பாட்டம் செய்ய வேண்டியது, மோடி அரசை எதிர்த்து அல்லவா ? 

அதை விட்டுவிட்டு, பொறுப்பேற்றவுடன் வட்டியை குறைத்த இயக்குனர் குழு மீது பாய்வது ஏன் !!

வெள்ளானூர் நிலத்தில் அடுக்கு மாடி குடியிருப்பு என்பது சென்ற இயக்குனர் குழு காலத்திலேயே முடிவாகிவிட்டதோடு, சென்ற தேர்தலில் ஆகப் பெரும்பான்மை உறுப்பினர்களால் ஏற்கப்பட்ட, 
 இனி மாற்ற முடியாத முடிவு....  

சோழியன் குடுமி சும்மா ஆடுமா ! 

இவர்களது உள்நோக்கம் அடுத்த அங்கீகாரத் தேர்தல் !

இந்தியாவெங்கும் பொய்ப்பிரச்சாரம் செய்து அதிக வாக்குகள் பெற்றாலும்  தமிழகத்தில இவர்களது பாச்சா இது நாள் வரை பலிக்கவில்லை  ! 

BSNLEUவின் பன்னிரெண்டாண்டு  அங்கீகார காலத்தில் சொல்லிக்
 கொள்ள சாதனை ஏதுமில்லை...போனஸ் இல்லை,  ஊதிய 
மாற்றத்தில் குளறுபடிகள் என்ற வேதனைகளே தொடர்கதையாகி வருகிறது.  இந்த முறை எப்படியாவது தமிழகத்தில் ஜெயிக்க 
வேண்டும் என்ற நப்பாசையில்தான் இந்த வட்டி குறைப்பு 
ஆர்ப்பாட்டம் எனும்  கபட நாடகம்  ! 

                 BSNLEUவின்  பொய்ப் பிரச்சாரத்தை முறியடிப்போம் !! 

                                 உண்மையை எடுத்துரைப்போம் !! 

        தமிழகத்தில் NFTE-BSNL சங்க வெற்றிக்கு அயராது பாடுபடுவோம் !!

   
 
   

               
  பெருந்தலைவர் குப்தா அவர்களின் வாழ்க்கை வரலாற்றை எழுதிய 
தோழர் எல். சுப்பராயன் அவர்களை  கட்டியணைத்து வாழ்த்தும் குப்தா 
அவர்களின் மகன் தோழர் சலீல் குப்தா . 
அமர்ந்திருப்பவர்கள்  புத்தகத்தை வெளியிட்ட தோழர் வீரராகவன் மற்றும் புத்தகத்தை சீரமைத்த தோழர் V.K.G .  

   

 

                                                   

 " Never a Dogmatist " புத்தக வெளியீடு

பிரம்மாண்டமாக நடந்த சென்னை மாநில மாநாட்டின்  ஒரு நிகழ்ச்சியாக, 

" தோழர் குப்தா என்றும் வறட்டுத்தனமானவரல்ல " என்ற பொருள்படும்

வகையில் அவரது வாழ்க்கை வரலாற்றை சுருக்கமாக விளக்கும்

தோழர் எல்.சுப்பராயன் எழுதியுள்ள " Never a Dogmatist " என்ற

ஆங்கில நூலை கூட்டுறவு சங்கத் தலைவர் தோழர் வீரராகவன்

வெளியிட, குப்தா அவர்களின் மூத்த மகன் திரு சலீல் குப்தா 

பெற்றுக் கொண்டார். அவரது மனைவி டாக்டர் சுனீதாவும்

விழாவில் பங்கேற்றார்.

விழாவிற்கு தோழர் குணசேகரன் தலைமை ஏற்றார்.

             அம்பேத்கார் அவர்களின் கருத்து பெட்டகமாக,

                     " நான் இந்து அல்ல "   என்ற தலைப்பிலும் 

  என் ஜன்னலுக்கு அப்பால் என்ற தலைப்பிலும்

தோழர் சி.கே.எம் எழுதியுள்ள இரண்டு நூல்களையும் 

முறையே, இந்திய கம்யூனிஸ்ட் கட்சியின் மாநில துணைச் செயலர் 

தோழர் மூ.வீரபாண்டியன், வணிகர்கள் சங்க தலைவர் திரு வெள்ளையன் 

ஆகியோர் வெளியிட தோழர்கள் மாலி, ராஜசேகரன் ஆகியோர் 

பெற்றுக் கொண்டனர்.